Thursday, January 26, 2006
Parang Kelan Lang
parang kelan lang, takot pa kaming kunin ka sa iyong kuna.
ngayon, dumadapa ka na.
parang kelan lang, wala ka pang alam kundi dumede lamang,
ngayon, marunong ka ng mag "close, open".
parang kelan lang, halos tapikin kita oras-oras para lamang magising at malaro kita.
ngayon, humahalakhak ka na.
parang kelan lang, tinitimplahan kita ng gatas kada-ikatlong oras.
ngayon, paborito mo na ang cereals at mashed potato.
parang kelan lang, small pa ang diaper at mga damit mo.
ngayon, medium na ang kasya sa'yo.
napapalingon ang mga nakakasalubong natin kapag karga ka, ang amo kasi ng mukha mo,
maski mga sales lady at bagger, hindi mo pinapalusot sa mga ngiti mo.
lahat ng pagod namin, nawawala madinig lang namin ang mga sigaw mo at natataranta kami sa bawat iyak mo.
nagagalak ang puso ko tuwing ihihiga kita sa timbangan at bumigat ka na naman ng isang kilo.
natutuwa kami tuwing may bago kaming nakikitang kakulitan sa iyo!
ahh... Tricia, limang buwan ka na! sana huwag ka namang magmadaling lumaki...
Posted by nikki:: 1/26/2006 01:49:00 AM
|